Թուրքիան և Ճապոնիան մտադիր են խորացնել ռազմական համագործակցությունը

Ճապոնիայի պաշտպանության նախարար Գեն Նակատանին առաջին անգամ պաշտոնական այցով ժամանել է Անկարա և հանդիպել Թուրքիայի պաշտպանության նախարար Յաշար Գյուլերի հետ։

Կողմերը պայմանավորվել են ընդլայնել ռազմական համագործակցությունը և սկսել երկկողմ երկխոսություն ռազմարդյունաբերության ոլորտում։

Քննարկվել են նաև ռազմական տեխնիկայի և տեխնոլոգիական համագործակցության հնարավորությունները։ Բարձր մակարդակով հանդիպումը գնահատվել է որպես երկկողմ հարաբերություններում նոր շրջափուլ։

Բանակցությունների ընթացքում երկու նախարարները կարծիքներ են փոխանակել նաև Ուկրաինայում ընթացող պատերազմի հետևանքով առաջացած անվտանգության մարտահրավերների շուրջ։