Իրանի արտաքին գործերի նախարար Աբբաս Արաղչին հայտնել է, որ Ատոմային էներգիայի միջազգային գործակալության տեսուչները մուտք են գործել Իրան:
«ՄԱԳԱՏԷ-ի տեսուչների մուտքը Իրան կատարվել է ազգային անվտանգության բարձրագույն խորհրդի որոշմամբ՝ Բուշեհրի ատոմակայանի վառելիքի փոխարինման վերահսկողության համար»,-ասել է Արաղչին՝ ընդգծելով, որ Իրանի և ՄԱԳԱՏԷ-ի նոր համագործակցության որևէ տեքստ դեռ վերջնականապես չի հաստատվել, միայն տեսակետների փոխանակում է եղել։
Արաղչին նաև հայտնել է, որ Իրանի խորհրդարանի ազգային անվտանգության և արտաքին քաղաքականության հանձնաժողովի անդամների հետ քննարկել են Հայաստանի և Ադրբեջանի երթուղին և ձեռք բերված պայմանավորվածությունը, եվրոպացիների հետ միջուկային բանակցությունները, ՄԱԳԱՏԷ-ի հետ համագործակցությունը և « Snapback»-ի երկարաձգման հարցը։
Հետևեք մեզ տելեգրամում
