Թուրքիայի «Ազգայնական շարժում կուսակցության» առաջնորդ Դևլեթ Բահչելին հայտարարել է, որ եթե Թուրքիայի կողմից ահաբեկչական համարվող SDF/YPG-ն (Սիրիայի քրդական ուժեր-խմբ) չիրականացնիԴամասկոսի հետ կնքված համաձայնագիրը, Անկարայի և Սիրիայի համատեղ ռազմական գործողությունը անխուսափելի կլինի:
«Բոլորի համար պետք է պարզ լինի, որ SDF/YPG-ն պետք է խստորեն հետևի 2025 թվականի մարտի 10-ին Սիրիայի ղեկավարության հետ ստորագրված փոխըմբռնման հուշագրին և կատարի իր պարտավորությունները, հակառակ դեպքում ռազմական միջամտությունը կդառնա անխուսափելի Անկարայի և Դամասկոսի համատեղ կամքով», – նշել է Բահչելին։ Հիշեցնենք, որ Սիրիայի ղեկավարությունը պատմական համաձայնագիր է ստորագրել քրդական «Սիրիայի դեմոկրատական ուժերի» (ՍԴՈւ) հետ՝ նրանց պետական կառույցներում ինտեգրելու վերաբերյալ:
Հետևեք մեզ տելեգրամում
