Թեհրանում կայացել է Իրան-Հայաստան-Հնդկաստան խորհրդատվական ձևաչափով երրորդ նիստը: Այն անցկացվել է ԱԳՆ տարածաշրջանային վարչությունների պետերի մակարդակով:
Նիստի մասնակիցները քննարկել են նախորդ երկու հանդիպումների պայմանավորվածությունների կատարման ընթացքը, ընդգծել դրանց կարևորությունը:
Անդրադարձ է կատարվել Հյուսիս-Հարավ միջանցքում համագործակցությանը, Հայաստանի «Խաղաղության խաչմերուկ» նախագծին, դրա շրջանակներում Չաբահար նավահանգստի հնարավորություններից օգտվելու հեռանկարին, ինչպես նաև առևտրատնտեսական, մշակութային, հանրային կապերի ոլորտում համագործակցության զարգացմանը:
Որոշվել է հաջորդ հանդիպումն անցկացնել Հայաստանում:
Հետևեք մեզ տելեգրամում
