2025 թվականի հոկտեմբերի 1-ից ռուս-վրացական սահմանին՝ «Վերին Լարս» անցակետում, բեռնատարների համար կգործարկվի էլեկտրոնային հերթերի համակարգ, որի շնորհիվ հնարավոր կլինի վաղ ամրագրել մուտքի օրն ու ժամը։ Այս մասին հայտնում է Ռուսաստանի տրանսպորտի նախարարությունը։
Օրվա և ժամի ամրագրումը կիրականացվի էլեկտրոնային տրանսպորտային փաստաթղթերի պետական տեղեկատվական համակարգի պորտալի միջոցով։
Հերթերից խուսափելու համար վարորդներին խորհուրդ է տրվում մինչև հոկտեմբերի 1-ը կայքում օգտահաշիվ բացել և գրանցել տրանսպորտային միջոցների քարտերը։ Համակարգում գրանցվելուց հետո տարբեր հասցեներում գտնվող հատուկ գրանցման կետերում վարորդները կարող են տեղ ամրագրել։
Մցխեթա-Ստեփանծմինդա-Լարս մայրուղին ներկայումս Վրաստանն ու Հայաստանը Ռուսաստանի հետ կապող միակ ցամաքային ճանապարհն է։
Հետևեք մեզ տելեգրամում
