Կատարի մայրաքաղաք Դոհայում հարձակման է ենթարկվել պաղեստինյան խմբի բանակցային պատվիրակությունը։ Այդ մասին հայտնել է արաբական «Al Jazeera» հեռուստաալիքը և նշել, որ հարձակումն իրականացվել է Իսրայելի կողմից։
Հարձակումից հետո իսրայելցի լրագրող Մեիր Մասրին X-ի հարթակում գրառում է արել, որտեղ սպառնացել է Թուրքիային։ Նա մասնավորապես նշել է. «Այսօր Կատարը, վաղը՝ Թուրքիան»։ Այս գրառումը թուրքական աղբյուրի կողմից որակվել է որպես էժանագին սպառնալիք։
Գրառմանը կից նաև տեղադրվել է Թուրքիայի նախագահ Ռեջեփ Թայիփ Էրդողանի և Իրանում սպանված «Համաս»-ի քաղբյուրոյի ղեկավար Իսմայիլ Հանիեի լուսանկարը։ Թուրքական աղբյուրը նշում է, որ իսրայելցի այդ լրագրողը հաճախ է խոսում ընդդեմ Թուրքիայի։
Ermenihaber.am
Հետևեք մեզ տելեգրամում
