Մայիսի 5-ին Իրանի Իսլամական հեղափոխության պահապանների կորպուսը (ԻՀՊԿ) հաղորդագրություն է տարածել՝ հայտնելով , որ նույն օրը Քուրդիստան նահանգի Դիվանդարե շրջանում ծայրահեղական խմբավորումների հետ տեղի ունեցած բախումների հետևանքով զոհվել է կորպուսի 1 գնդապետ և 2 այլ զինծառայող։
Ըստ հաղորդագրության՝ զինվորականները զոհվել են «հակահեղափոխական ահաբեկիչների» հետ բախման հետևանքով։
Հաղորդվում է նաև, որ սպանվել է «մի քանի ահաբեկիչ»։
Նշենք, որ երկրի հյուսիս-արևմուտքում Իրանը պայքարում է քրդական ծայրահեղական խմբավորումների դեմ, որոնց համարում է ահաբեկչական:
Հետևեք մեզ տելեգրամում
