Վրաստանում հավատարմագրված արևմտյան դեսպանների գործողությունները գերազանցում են դիվանագիտական սահմանները, սակայն Վրաստանի իշխանությունները նրանց արտաքսելու ծրագրեր չունեն։ Այս մասին հայտարարել է խորհրդարանական մեծամասնության առաջնորդ Իրակլի Կիրցխալիան։
Նրա խոսքով՝ դեսպանների գործողությունները հստակորեն վկայում են պետության ներքին գործերին միջամտելու մասին, սակայն նրանց վտարումը կհանգեցնի դիվանագիտական քայլերի, որոնք բացասաբար կանդրադառնան այդ երկրների հետ Վրաստանի հարաբերությունների վրա։
«Հետևաբար, մենք մնում ենք միակողմանի բարեկամության ռեժիմում, քանի որ կարծում ենք, որ ներկայիս անընդունելի իրավիճակը ժամանակավոր է», – ընդգծել է Կիրցխալիան։
Արևմտյան դիվանագիտական առաքելությունների հետ հարաբերությունների վատթարացումը տեղի ունեցավ հոկտեմբերի 4-ի վերջին իրադարձությունների ֆոնին, երբ մի խումբ անձինք փորձեցին ներխուժել նախագահական նստավայր։
Երեքշաբթի օրը Վրաստանի արտաքին գործերի նախարարությունն այս իրադարձությունները քննարկելու համար հանդիպում անցկացրեց Թբիլիսիում հավատարմագրված պետությունների դեսպանների հետ։
Հետևեք մեզ տելեգրամում
