Թուրքիայի նախագահ Ռեջեփ Թայիփ Էրդողանը հայտարարել է, որ անհրաժեշտ է ապահովել Գազայում հրադադարի հարատևությունը և զգուշացրել, որ Իսրայելը բարձր գին կվճարի, եթե «վերադառնա ցեղասպանությանը»։
«Նախևառաջ, կարևոր է, որ այս հրադադարը լինի մշտական, և որ խախտումներ թույլ չտրվեն։ Ինչպես գիտեք, Իսրայելը հրադադարի խախտման վատ ցուցանիշներ ունի։ Այս իրավիճակը մեզ ստիպում է ավելի զգոն և մանրակրկիտ լինել։ Թուրքիան, Միացյալ Նահանգները և այլ երկրներ վճռականորեն տրամադրված են աշխատել հրադադարը պահպանելու ուղղությամբ։ Իսրայելը գիտի, որ ցեղասպանությանը վերադառնալու գինը բարձր կլինի։ Մենք սա հստակեցնում ենք յուրաքանչյուր հնարավորության դեպքում»,-Եգիպտոսից վերադառնալիս լրագրողներին ասել է Էրդողանը՝ հիշեցնելով, որ Գազայի շուրջ նախկինում ձեռք բերված համաձայնությունները չեն պահպանվել:
Հետևեք մեզ տելեգրամում
