Հայաստանն ամենաբարձր մակարդակով հրավիրել է Թուրքիային և Ադրբեջանին՝ մասնակցելու 2026-ին Երևանում անցկացվելիք Եվրոպական քաղաքական համայնքի 8-րդ գագաթնաժողովին:
Այս մասին խորհրդարանում լրագրողների հետ զրույցում հայտարարել է ՀՀ արտաքին գործերի նախարար Արարատ Միրզոյանը՝ անդրադառնալով այն հարցին, թե արդյոք Եվրոպական քաղաքական համայնքի՝ Հայաստանում անցկացվելիք գագաթնաժողովին Անկարայից և Բաքվից ներկայացվածություն լինելու է:
«Այո, մենք հրավերներ ենք ներկայացրել: Դեռ փաստաթղթային չենք ուղարկել, բայց բանավոր հրավիրել ենք ամենաբարձր մակարդակով մասնակցելու»,-ասաց նախարարը:
Հստակեցնող հարցին, որ հրավերն ուղարկվել է Ալիևին և Էրդողանին՝ Միրզոյանը տվել է դրական պատասխան:
Հետևեք մեզ տելեգրամում
