Թուրքիայի նախագահ Ռեջեփ Թայիփ Էրդողանը Բաքվից վերադառնալիս ինքնաթիռում լրագրողների հարցերին է պատասխանել։ Էրդողանը ի թիվս այլ հարցերի անդրադարձել է նաև 44-օրյա պատերազմին, ինչպես նաև Հայաստան-Թուրքիա կարգավորմանը։
«Ողջունում ենք Ադրբեջանի և Հայաստանի միջև խաղաղության գործընթացի համատեքստում կատարվող քայլերը։ Կողմերի միջև օգոստոսի 8-ին Վաշինգտոնում ձեռք բերված համաձայնությունից մեր գոհունակությունը տարբեր առիթներով արտահայտել էինք։ Հրվ․ Կովկասում ավելի քան 30 տարի շարունակվող անկայունության մթնոլորտից հետո մնայուն խաղաղության և անդորրի համար հնարավորության պատուհան է բացվել»,-նշել է Էրդողանը։
« Հաղթանակից հետո տարածաշրջանում խաղաղության քամիներ են փչում և որպես Թուրքիա գուհնակություն ենք տածում այդ հանգամանքից։ Մենք էլ Ադրբեջանի հետ սինխրոնացված/համակարգմամբ Հայաստանի հետ կարգավորման գործընթացն ենք վարում։ Դա (այդ գործընթացը) վարելիս մեր զրուցակիցներին հայտնում ենք, որ երբևէ չենք կարող թույլ տալ, որպեսզի խախտվեն Ադրբեջանի իրավունքներն այդ կետում»,-հավելել է Թուրքիայի նախագահը։
Հետևեք մեզ տելեգրամում
