Հայաստանն ու Հնդկաստանը մշակում են միջազգային ավտոմոբիլային փոխադրումների մասին համաձայնագիր։ Այս մասին ի պատասխան Sputnik Արմենիայի հարցման ՀՀ տարածքային կառավարման և ենթակառուցվածքների նախարարությունում նշել են, որ Հայաստանի և Հնդկաստանի միջև կանոնակարգված չէ ավտոմոբիլային տրանսպորտով ուղևորափոխադրումների և բեռնափոխադրումների բնագավառը։ Դա խոչընդոտում է երկու երկրների միջև փոխադրումների իրականացմանն ու տնտեսական համագործակցության զարգացմանը։
«ՀՀ ՏԿԵ նախարարությունը մշակել է «Հայաստանի Հանրապետության կառավարության և Հնդկաստանի Հանրապետության կառավարության միջև միջազգային ավտոմոբիլային հաղորդակցության մասին» համաձայնագրի նախագիծը, որն ուղարկվել է հնդկական կողմին փոխհամաձայնեցման»,- հայտնել են գերատեսչությունից։ Հիշեցնենք, որ նմանատիպ համաձայնագիր Հայաստանը նախատեսում է ստորագրել նաև Չինաստանի հետ։
Հետևեք մեզ տելեգրամում
