Փաշինյանն «անհեթեթություն» է որակել ռուսական ցորենից հրաժարվելու մասին լուրերը

ՀՀ վարչապետ Նիկոլ Փաշինյանը հերքել է այն տեղեկությունները, թե Հայաստանը մտադիր է հրաժարվել ռուսական հացահատիկից՝ հօգուտ ուկրաինականի։ Նա դա որակել է որպես «անհեթեթություն»։ Նշենք, որ ՌԴ արտաքին հետախուզության ծառայությունը հայտարարել էր, որ «Հայաստանը, քաղաքական նկատառումներով, ուզում է «պոկվել ՌԴ–ից» և աջակցել Ուկրաինային՝ ցորենի մի մասն ավելի բարձր գնով գնելով Կիևից։

Ըստ նույն աղբյուրի՝ ուկրաինական հացահատիկի արժեքը ռուսականից մոտ մեկուկես անգամ բարձր է, ուստի առաջարկվել է, որ ԵՄ–ն փոխհատուցի գների տարբերությունը։ «Չի կարող նման բան լինել։ Բացարձակ անհեթեթություն է»,- ասել է Փաշինյանը։