Ռուսաստանը և Ադրբեջանը այս տարի իրենց փոխադարձ առևտրաշրջանառությունը կհասցնեն 5 միլիարդ դոլարի։ Այս մասին հայտարարել է Ադրբեջանում Ռուսաստանի դեսպան Միխայիլ Եվդոկիմովը:
«Մենք շատ սերտ կապեր ունենք Ադրբեջանի հետ, շատ ակտիվ համագործակցություն։ Այս տարի մենք, հավանաբար, կհասնենք առևտրաշրջանառության խորհրդանշական 5 միլիարդ դոլարի։ Որոշ կողմերի համար սա կարող է մեծ թիվ չլինել։ Սակայն մենք կարծում ենք, որ սա մեր երկրների միջև առևտրի փոխադարձ աճի շատ լավ ցուցանիշ է»,-ասել է դիվանագետը։
Եվդոկիմովի խոսքով՝ Եվրասիական տնտեսական միությունը (ԵԱՏՄ) դառնում է ավելի ու ավելի գրավիչ տնտեսական ինտեգրման բլոկ։
«Շատ կարևոր է, որ մենք շատ դրական երկխոսություն ունենանք Ադրբեջանի հետ։ Հաջողությամբ աճում է ոչ միայն Ռուսաստանի և Ադրբեջանի միջև երկկողմ առևտուրը, այլև Ադրբեջանի առևտուրը ԵԱՏՄ մյուս երկրների հետ»,-ասել է դեսպանը։
Հետևեք մեզ տելեգրամում
