Անկարան կշարունակի իր ջանքերը՝ Ուկրաինայում հակամարտության խաղաղ կարգավորման հասնելու համար, որը ընդունելի կլինի հակամարտության երկու կողմերի համար։ Այս մասին Բեռլինում հայտարարել է Թուրքիայի արտգործնախարար Հաքան Ֆիդանը իր գործընկեր Յոհան Վադեֆուլի հետ բանակցություններից հետո։
«Մենք մանրամասն մտքերի փոխանակում ունեցանք Ուկրաինայի հարցի կարգավորման վերաբերյալ։ Կարևոր է հասնել խաղաղության, որը ընդունելի կլինի երկու կողմերի համար էլ՝ թե՛ մարդասիրական, թե՛ ռազմավարական տեսանկյունից։ Մենք կշարունակենք մեր կառուցողական աշխատանքը այս ուղղությամբ»,-ասել է Ֆիդանը՝ իր գերմանացի գործընկերոջը տեղեկացնելով ուկրաինական հակամարտության կարգավորմանն ուղղված Թուրքիայի վերջին ջանքերի մասին։
Հետևեք մեզ տելեգրամում
