ՀՀ-ում ԻԻՀ նորանշանակ դեսպան Խալիլ Շիրղոլամին հանդիպել է ԻԻՀ նախագահի տեղակալ, պլանավորման ու բյուջեի կազմակերպության նախագահ Համիդ Փուրմոհամմադի հետ:
Քննարկվել են Հայաստան-Իրան էլեկտրահաղորդման 3-րդ գծի, Սիսիան-Ագարակ-Քաջարան ճանապարհի, Քաջարանի թունելի կառուցման, գազի ու էլեկտրաէներգիայի փոխանակման ծրագրի իրականցմանն առնչվող հարցեր:
«Առևտրի ոլորտում իրանա-հայկական համատեղ ընկերության ստեղծումը և երկկողմ սահմանային կոմիտեի ձևավորումը կարող են ազդեցիկ լինել Իրանի և Հայաստանի համագործակցության զարգացման և խորացման վրա»,-նշել է Փուրմոհամմադին։
Շիրղոլամին իր հերթին շեշտել է, որ Հարավային Կովկասը ռազմավարական նշանակություն ունի: Նա ընդգծել է, որ հաշվի առնելով վերջին իրադարձությունները՝ Սյունիքում Իրանի ներկայությունն առավել քան երբևէ անհրաժեշտություն է և ազդեցիկ:
«Երկկողմ տնտեսական համագործակցությունում պլանավորման ու բյուջեի կազմակերպության ղեկավարությամբ համատեղ հանձնաժողովի գոյությունը շատ կարևոր է»,-ասել է դեսպանը:
Հետևեք մեզ տելեգրամում
