Թուրքիայի ԱԳՆ. Ռուս-ուկրաինական բանակցությունները պետք է լինեն Թուրքիայում

Թուրքիայի արտգործնախարար Հաքան Ֆիդանը հայտարարել է, որ Թուրքիան լավագույն վայրն է ռուս-ուկրաինական խաղաղության բանակցություններ անցկացնելու համար։ Այս մասին հայտնում է «Ermenihaber.am»-ը։

Նա նշել է. «Թուրքիայից ավելի հարմար տեղ չկա դրանց (բանակցությունների) համար։ Մենք դա ապացուցել ենք անցած ամառ Ստամբուլում կազմակերպած երեք բանակցային հանդիպումներով։ Ֆիդանը հավելել է, որ այդ հանդիպումներից հետո կողմերը «իրապես ուրախ են հեռացել»։

Այս հայտարարությամբ Հաքան Ֆիդանը հանդես է եկել Բելգիայի մայրաքաղաք Բրյուսելում անցկացված ՆԱՏՕ-ի անդամ երկրների արտաքին գործերի նախարարների գագաթնաժողովի շրջանակներում կազմակերպված մամուլի ասուլիսի ժամանակ։