Թուրքիայի արտաքին գործերի նախարար Հաքան Ֆիդանը խորհրդարանում, ԱԳՆ-ի 2026 թ․ բյուջեի քննարկման ընթացքում, հանդես է եկել ելույթով՝ անդրադառնալով նաև Հայաստան-Ադրբեջան խաղաղության գործընթացին և հայ-թուրքական հարաբերությունների կարգավորմանը։
Նախարարը մասնավորապես ասել է․
«Հարավային Կովկասում, որտեղ մենք ունենք պատմական և մշակութային կապեր 2025 թվականին կարևոր զարգացումներ են արձանագրվել։ Մեր առանձնահատուկ երկկողմ հարաբերությունները Ադրբեջանի հետ, որի հետ ունենք եղբայրական և դաշնակցային կապեր, շարունակվում են զարգանալ՝ հատկապես մեր նախագահի և նախագահ Ալիևի փոխադարձ բարձր մակարդակի այցերի շնորհիվ։
Հայաստանի հետ կարգավորման գործընթացը 2025 թվականին ևս իրականացվել է Ադրբեջանի հետ համաձայնեցված/համակարգված։ Առաջիկա ժամանակահատվածում մենք կշարունակենք անել այն, ինչ կախված է մեզանից տարածաշրջանում կայուն խաղաղություն հաստատելու համար և կխրախուսենք կողմերին գնահատել այս պատմական հնարավորությունը»։
Հետևեք մեզ տելեգրամում
