Հայաստանում ԻԻՀ նորանշանակ դեսպան Խալիլ Շիրղոլամին հանդիպել է ԱԳ նախարար Աբբաս Արաղչիի հետ։ Դեսպանն Արաղչիին է ներկայացրել Հայաստանի հետ հարաբերությունների զարգացմանն ուղղված իր ծրագրերն ու առաջնահերթությունները։ Այս մասին հայտնում են ԻԻՀ ԱԳՆ-ից:
Արաղչին հաջողություն է մաղթել դեսպանին։ Նա Հայաստանի հետ հարաբերությունները բնութագրել է որպես սերտ կապերով պատմական հարաբերություններ և ընդգծել մշակութային, աշխարհաքաղաքական, տնտեսական և այլ ոլորտներում ՀՀ հետ համագործակցության առավել զարգացման անհրաժեշտությունը։
Հիշեցնենք, որ Խալիլ Շիրղոլամին առաջին անգամ է նշանակվել որպես դեսպան և մինչև այժմ Իրանի ԱԳՆ Քաղաքական և միջազգային հետազոտությունների կենտրոնի փոխնախագահն էր: Նա զբաղեցրել է նաև Չինաստանի Գուանճոու քաղաքում ԻԻՀ գլխավոր հյուպատոսի, ԱԳ փոխնախարարի խորհրդականի, Փարիզում ԻԻՀ դեսպանատան առաջին քարտուղարի, Բեռլինում ԻԻՀ դեսպանատան երրորդ քարտուղարի պաշտոնները։ Դեսպանի պաշտոնում Շիրղոլամին փոխարինում է Մեհդի Սոբհանիին:
Հետևեք մեզ տելեգրամում
