Թել Ավիվում Ուկրաինայի դեսպան Եվգենի Կորնիյչուկին կանչել են Իսրայելի արտաքին գործերի նախարարություն, այն բանից հետո, երբ նա քննադատել է Իսրայելի վարչապետ Բենյամին Նեթանյահուին՝ «Ռուսաստանի նախագահ Վլադիմիր Պուտինի հետ իր հարաբերությունների մասին պարծենալու համար»։
Իսրայելական լրատվամիջոցների հաղորդագրությունների համաձայն, որոնք հղում են կատարում Արտաքին գործերի նախարարությանը, Կորնիչուկը հրավիրվել է նախարարություն՝ Եվրոպայի և Ասիայի գծով գլխավոր տնօրենի տեղակալ Յուվալ Ֆուկսի հետ հանդիպման։
Հայտարարության մեջ նշվում է, որ Ֆուկսը Իսրայելում Ուկրաինայի դեսպան Կորնիչուկին զգուշացրել է, որ «վերջինիս հայտարարություններն անընդունելի են և խախտում են դիվանագիտական արարողակարգը»։ Նրան հիշեցրել են, որ «այդ հայտարարություններում անտեսվում է Ուկրաինայում պատերազմի սկսվելուց ի վեր Թել Ավիվի դիրքորոշումը, ինչպես նաև Իսրայելի արտգործնախարար Գիդեոն Սաարի այցը Կիև»։
Նշենք, որ Նեթանյահուն, ելույթ ունենալով Իսրայելի խորհրդարանի ընդդիմության նախաձեռնած նիստում հայտարարել էր, որ բանակցություններ կվարի ԱՄՆ նախագահ Դոնալդ Թրամփի հետ։
«Մենք կապեր ունենք նաև մեկ այլ գերտերության՝ Ռուսաստանի հետ։ Ես պարբերաբար հանդիպում եմ Պուտինի հետ, և այս երկխոսությունը կարևոր է մեր անվտանգության շահերի պաշտպանության առումով, այդ թվում՝ մեր հյուսիսային սահմանին»,-նշել էր Նեթանյահուն։
Հետևեք մեզ տելեգրամում
