UFC-ի թեթևքաշային կարգի առաջին հավակնորդ Արման Ծառուկյանը բրազիլական ջիու-ջիթսուի մենամարտում հաղթեց «Ախմատ» մարտական ակումբը ներկայացնող Մեհդի Բայդուլաևին։ Նրանց մենամարտը տեղի ունեցավ ACBJJ 20 մրցաշարի 80 կգ քաշային կարգում։
Մենամարտն ավարտվեց գորգի վրա Ծառուկյանի հաղթանակով, երբ ավարտին մնացել էր 12 վայրկյան։
Մենամարտի ընթացքում Ծառուկյանը նախազգուշացում ստացավ ծնկի հարվածի համար։
Արման Ծառուկյանը 29 տարեկան է։ Նա իր պրոֆեսիոնալ խառը մարտարվեստում նորամուտը նշեց 2016 թվականին և UFC-ում հանդես է գալիս 2019 թվականից։
Իր վերջին մենամարտում, որը տեղի ունեցավ նոյեմբերին Քաթարի Դոհա քաղաքում կայացած UFC Fight Night 265-ում, Ծառուկյանը հաղթեց ավստրալացի Դեն Հուքերին սուբիշով։ Ընդհանուր առմամբ, հայ մարզիկը աշխարհի ամենահեղինակավոր կազմակերպությունում ունի 11 հաղթանակ և երկու պարտություն։
Հետևեք մեզ տելեգրամում
