Թուրքիայի արտաքին գործերի նախարար Հաքան Ֆիդանը Գազայի խաղաղության ծրագրի երկրորդ փուլը քննարկել է պաղեստինյան «ՀԱՄԱՍ» շարժման պատվիրակության հետ, որը գլխավորում է Քաղբյուրոյի անդամ Խալիլ ալ-Հեյան։
«Հանդիպման ժամանակ քննարկվել է Գազայի իրավիճակը, և մտքեր են փոխանակվել Գազայի խաղաղության ծրագրի երկրորդ փուլի վերաբերյալ։ Ֆիդանը նշել է, որ Թուրքիան շարունակում է վճռականորեն պաշտպանել պաղեստինցիների իրավունքները բոլոր հարթակներում, ներկայացրել է իր երկրի կողմից Գազայի բնակարանային և մարդասիրական օգնության կարիքները բավարարելու ուղղությամբ կատարվող աշխատանքները», – ՏԱՍՍ-ին ասել են Թուրքիայի ԱԳՆ-ի աղբյուրները։
Իրենց հերթին, «ՀԱՄԱՍ»-ի ներկայացուցիչները հայտարարել են, որ հետևում են հրադադարի համաձայնագրերին, սակայն Իսրայելը շարունակում է հարվածել Գազային, ինչը խոչընդոտում է խաղաղության ծրագրի երկրորդ փուլի առաջընթացին։
Հետևեք մեզ տելեգրամում
