Իրանի արժույթի ու ոսկու փոխանկման կենտրոնի գործադիր տնօրենը հայտնել է, որ այսօրվանից կենտրոնում փոխարժեքը դարձել է միարժեք։ «Այսօրվանից կենտրոնում գոյություն ունեցող երկու շուկաները գործնականում միավորվել են, և փոխանցումային սրահի (հավալե) փոխարժեքը դարձել է բոլոր ապրանքների և ծառայությունների համար հիմք», -ասել է նա։
Ըստ նրա սահմանափակվել է նաև 28500 թումանի արտոնյալ փոխարժեքը։ Այն շարունակելու է գործել միայն դեղորայքի և ցորենի գնման համար։
Միաժամանակ Իրանի կառավարությունը հայտնել է նոր ծրագրի գործարկման մասին, որով ընտանիքի յուրաքանչյուր անդամ ( շուրջ 80 մլն մարդ՝ բնակչության 90 տոկոսը) ամսական 1 մլն թուման է ստանալու, ինչը նպատակ ունի մեղմել հնարավոր թանկացումների հետևանքներն ու պահպանել բնակչության գնողունակությունը։
Հետևեք մեզ տելեգրամում
