Հալեպում մի քանի օր է՝ բախումներ են տեղի ունենում կառավարական ուժերի և քրդական «Սիրիական ժողովրդավարական ուժերի» (SDF) միջև։ Ըստ Սիրիայի ՊՆ-ի՝ քրդական ուժերի նպատակն է խաթարել 2025թ․ մարտին ձեռք բերված համաձայնագիրը։
«SDF-ն թիրախավորել է Շեյխ Մակսուդ թաղամասի մոտակայքում գտնվող բանակի դիրքը, ինչի արդյունքում զոհվել է մեկ զինվոր, իսկ հինգը վիրավորվել է։ Քաղաքացիական անձանց շրջանում կա 3 զոհ, 12 վիրավոր։ Բանակը թիրախավորել է SDF-ի կրակային դիրքերը և անօդաչու թռչող սարքերի արձակման վայրերը՝ չեզոքացնելով դրանցից մի քանիսը, ինչպես նաև զինամթերքի պահեստը»,-ասված է ՊՆ հաղորդագրության մեջ։
Հալեպի օդանավակայանը փակ է 24 ժամով, թռիչքներն իրականացվում են Դամասկոսից։
Հիշեցնենք, որ 2025թ․ մարտի 10-ին Սիրիայի իշխանությունները հայտարարել էին Սիրիայի դեմոկրատական ուժերի (SDF) հետ ձեռք բերված համաձայնության մասին՝ քրդական ինքնավար վարչակազմի քաղաքացիական և ռազմական ինստիտուտները Սիրիայի կառավարությանը ինտեգրելու վերաբերյալ:
Հետևեք մեզ տելեգրամում
