Եվրամիության անդամ երկրները համաձայնել են բացառություն սահմանել Ուկրաինայի համար՝ հնարավորություն տալով նրան ձեռք բերել «Patriot» հակաօդային պաշտպանության համակարգերի համար անհրաժեշտ ապրանքներ։ Այս մասին սեպտեմբերի 8-ին հայտնել է Եվրահանձնաժողովը։
Եվրահանձնաժողովի նախագահ Ուրսուլա ֆոն դեր Լայենը նշել է, որ Ուկրաինային հատկացվելիք հաջորդ 3,2 միլիարդ եվրոն կօգնի ավելի լավ պաշտպանել երկրի օդային տարածքը Ռուսաստանի հարձակումներից։
Այս գումարը կավելանա Ուկրաինային աջակցության վարկի շրջանակում արդեն հատկացված 8,4 միլիարդ եվրոյին, որի մի մասն ուղղվել է նաև հակաօդային պաշտպանությանը։
Ֆոն դեր Լայենի խոսքով՝ Եվրամիությունը շարունակելու է աջակցել Ուկրաինային և ամրապնդել Եվրոպայի պաշտպանական կարողությունները։
Հետևեք մեզ տելեգրամում
