Իրանի Իսլամական հեղափոխության պահապանների կորպուսը հայտարարել է, որ հրթիռներ է արձակել Հորդանանում գտնվող և ԱՄՆ զինված ուժերի կողմից օգտագործվող ռազմաբազայի ուղղությամբ, փոխանցում է «Reuters»-ը։
Իրանական կողմի հայտարարության համաձայն՝ հարվածը մեծ վնաս է հասցրել բազային, սակայն Հորդանանի իշխանությունները հայտնել են, որ իրենց հակաօդային պաշտպանության համակարգերը որսացել են արձակված 20 հրթիռներից 18-ը, իսկ մյուս երկուսն ընկել են չբնակեցված տարածքներում: ԱՄՆ-ի պաշտոնյաներից մեկն էլ հայտարարել է, որ հարձակումը արդյունավետ չի եղել, և ամերիկացի զինծառայողները չեն տուժել։
Իրանը նաև հայտնել է Հորմուզի նեղուցով անցնող 10 նավերի վրա հարձակվելու մասին։ ԻՀՊԿ-ն պնդել է, որ նավերը փորձում էին անցնել նեղուցի՝ Իրանի կողմից «արգելված և վտանգավոր» հայտարարված հատվածով։
Ավելի վաղ ԱՄՆ զինված ուժերն իրենց հերթին հայտարարել էին, որ ոչնչացրել են իրանական հինգ նավթատար։
Հետևեք մեզ տելեգրամում
