«National Geographic»-ը Հայաստանը ներկայացրել է աշխարհի ամենատպավորիչ հոգևոր և վանական ուղղությունների շարքում National Geographic-ը անդրադարձել է Հայաստանի ամենագեղեցիկ վանական համալիրներին՝ ընդգրկելով դրանք աշխարհի ամենատպավորիչ հոգևոր և մշակութային ուղղությունների շարքում։
Հեղինակավոր հանդեսի հրապարակման մեջ ներկայացված են Գեղարդ, Տաթև, Նորավանք, Սանահին և Հաղպատ վանական համալիրները, որոնք առանձնանում են ոչ միայն իրենց ճարտարապետությամբ, այլև բնության հետ ներդաշնակությամբ ու պատմական խորքով։
Նշվում է, որ ժայռերի մեջ քանդակված մատուռներից մինչև բարձրավանդակային ամրացված համալիրներ՝ հայկական այս վանքերը ճանապարհորդներին հանդիպեցնում են դարերի խորքից եկող հավատքի և ծեսերի հետ՝ արտացոլելով Հայաստանի բազմադարյա հոգևոր ժառանգությունն ու ինքնությունը։
Հոդվածում ընդգծվում է նաև, որ վանական համալիրներից մի քանիսը ներառված են ՅՈւՆԵՍԿՕ-ի համաշխարհային մշակութային ժառանգության ցանկում՝ որպես մարդկության պատմության և մշակույթի բացառիկ վկայություններ։
Հետևեք մեզ տելեգրամում
Comments 1