ԱՄՆ պետքարտուղարությունը կասեցրել է ներգաղթային մուտքի արտոնագրերի տրամադրումը բազմազանության արտոնագրի (գրին քարտ) խաղարկության շրջանակում։ Այդ մասին հայտնում են ՀՀ-ում ԱՄՆ դեսպանությունից:
«Մենք ժամանակ և անհրաժեշտ միջոցներ կտրամադրենք ԱՄՆ ազգային ու հասարակական անվտանգությունը պաշտպանելու համար։
DV-2027 ծրագրի վերաբերյալ այս պահին նոր հայտարարություններ առկա չեն»,-ասվում է հայտարարության մեջ:
Ավելի վաղ ներքին անվտանգության նախարար Քրիստի Նոեմն էր հայտարարել, որ ԱՄՆ-ն որոշել է դադարեցնել Green Card–ի խաղարկությունը։ Նա նշել է, որ ԱՄՆ նախագահ Դոնալդ Թրամփի հրահանգով նա հանձնարարել է ԱՄՆ քաղաքացիության և ներգաղթի ծառայությանը (USCIS) դադարեցնել DV1 վիզաների ծրագրի իրականացումը, քանի որ պարզվել է, որ Բրաունի համալսարանի կրակոցների մեջ կասկածվողը մուտք է գործել երկիր Green Card–ով:
Հետևեք մեզ տելեգրամում
