ԵՄ-ը ողջունել է Ադրբեջանի կողմից պահվող 4 գերիների ազատ արձակումը և փոխանցումը

Եվորոպական միությունը ողջունել է Ադրբեջանի կողմից Հայաստանին 4 գերիների հանձնումը։ Այս մասին X-ում գրել է ԵՄ արտաքին գործերի և անվտանգության քաղաքականության հարցերով պաշտոնական ներկայացուցիչ Անիտա Հիպերը:

«Մենք ողջունում ենք Ադրբեջանի կողմից պահվող 4 հայերի ազատ արձակումը և փոխանցումը։ Սա մեծ քայլ է առաջ Հայաստան-Ադրբեջան խաղաղության գործընթացում։ ԵՄ-ն կշարունակի աջակցել երկու երկրների միջև հետագա դրական քայլերին»,-գրել է նա։

Հիշեցնենք, որ հունվարի 14–ին Ադրբեջանը Հայաստանին է վերադարձրել 4 գերիների՝ Գևորգ Սուջյանին, Դավիթ Դավթյանին, Վիգեն Էուլջեքջյանին և Վագիֆ Խաչատրյանին։

We welcome today’s release and transfer of 4 Armenians held by Azerbaijan.

It is a great step forward in the Armenia-Azerbaijan peace process. The EU will continue to support further positive steps between the two countries.
— Anitta Hipper (@ExtSpoxEU) January 14, 2026