Հունվարի 19-ին կառավարության նիստից հետո ունեցած ելույթում Թուրքիայի նախագահ Ռեջեփ Թայիբ Էրդողանը անդրադարձել է Իրանում իրավիճակին՝ հայտարարելով, որ հարևան երկիրը նոր փորձության առջև է կանգնած:
«Մեր հարևան Իրանն Իսրայելի հարվածներից հետո հիմա էլ նոր փորձության առջև է կանգել, երբ խաթարվել է հանրային կյանքը, երկրի կայունությունը։ Բոլորս հետևում ենք այն սցենարներին, որ փորձում են գրել փողոցի միջոցով։ Հավատում ենք, որ մեր իրանցի եղբայրները նուրբ քաղաքականությամբ, որտեղ առաջնահերթությունը երկխոսությունը և դիվանագիտությունն են, կհաղթահարեն թակարդներով լի այս շրջանը։ Մենք շարունակելու ենք մեր արտաքին քաղաքականությամբ դեմ կանգնել բոլոր այն նախաձեռնություններին, որոնք կարող են մեր տարածաշրջանն անորոշության մատնել։ Թուրքիան այս հարցում ի սկզբանե ունեցել է սկզբունքային դիրքորոշում, որն այսօր էլ շարունակում ենք», – ասել է Էրդողանը:
Հետևեք մեզ տելեգրամում
