Միացյալ Նահանգների նախագահ Դոնալդ Թրամփը մտադիր է 200% մաքսատուրք սահմանել ֆրանսիական գինիների և շամպայնների համար, որպեսզի Ֆրանսիայի նախագահ Էմանուել Մակրոնին ստիպի միանալ Խաղաղության խորհրդին։ Այս մասին Reuters-ին հղումով հայտնում է «Արմենպրես»-ը:
Ըստ հրապարակման՝ լրագրողները Թրամփին խնդրել են մեկնաբանել այն, որ Մակրոնը չի պատրաստվում միանալ Խաղաղության խորհրդին։
«Ես 200% մաքսատուրք կսահմանեմ նրա գինիների և շամպայնների համար, և նա կմիանա, բայց նա պարտավոր չէ միանալ»,- ասել է Թրամփը։
Թրամփը Խաղաղության խորհրդին միանալու հրավերներ է ուղարկել շուրջ 60 երկրի ղեկավարների: Հունվարի 19-ին Մակրոնին մոտ կանգնած մի աղբյուր հայտնել էր, որ նա մտադիր է մերժել նախաձեռնությանը միանալու առաջարկը։
Հետևեք մեզ տելեգրամում
