Վրաստանի խորհրդարանի արտաքին հարաբերությունների հանձնաժողովի պատվիրակությունը պաշտոնական այցով Բաքվում է, որտեղ մասնակցելու է Վրաստան-Թուրքիա-Ադրբեջան արտաքին հարաբերությունների հանձնաժողովների ամենամյա եռակողմ հանդիպմանը։ Այս մասին հայտնում է Վրաստանի խորհրդարանի կայքը:
Վրացական պատվիրակությանն ընդունել է Ադրբեջանի Միլլի Մեջլիսի նախագահ Սահիբա Գաֆարովան: Կողմերը քննարկել են Վրաստանի և Ադրբեջանի միջև երկկողմ հարաբերությունները և ռազմավարական գործընկերության հարցեր։ Անդրադարձ է կատարվել նաև Հարավային Կովկասի անվտանգության միջավայրին, Հայաստան-Ադրբեջան խաղաղության գործընթացին և տարածաշրջանի երկրների տնտեսական զարգացման վրա դրա ազդեցությանը։
Հետևեք մեզ տելեգրամում
