Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն խոսել է Հորմուզի նեղուցում ստեղծված իրավիճակից։ Նշենք, որ ԱՄՆ-ի ու Իսրայելի կողմից Իրանի վրա հարձակումից հետո Իրանը փակել է Հորմուզի նեղուցը։
Ուրալօղլուն նշել է, որ այս պահի դրությամբ Հորմուզի նեղուցում կա 15 թուրքական նավ և նավերի անձնակզմի հետ մշտապես կապի մեջ են։ Ըստ նախարարի՝ նրանք այժմ սպասման կետում են ու կարիքները բավարարելու հետ կապված խնդիրներ չկան։ Նա նաև հավելել է, որ նավերի ու քաղաքացիների վրա հարձակում չի եղել և ոչ ոք չի տուժել։
«Մենք ուշադիր հետևում ենք իրավիճակին։ Եթե Հորմուզի նեղուցը պակաս խցանված դառնա, հուսով ենք՝ կկարողանանք նրանց նաև այնտեղից դուրս բերել»,- նշել է Ուրալօղլուն։
Հետևեք մեզ տելեգրամում
