Թուրքական ԼԳԲՏՔ+ իրավունքների պաշտպանության խմբի տասնմեկ ղեկավար մեղադրվում է անպարկեշտության, Թուրքիայի սահմանադրության՝ ընտանեկան արժեքների պաշտպանության հոդվածը խախտելու, ինչպես նաև սոցիալական ցանցերում համբուրվող միասեռ զույգերի լուսանկարներ հրապարակելու մեջ։ Փոխանցում է Euronews-ը:
Նշվում է, որ նրանց սպառնում է մինչև երեք տարվա ազատազրկում և քաղաքացիական իրավունքներից զրկում, եթե Իզմիր քաղաքի դատարանը մեղավոր ճանաչի նրանց։ Նշենք, որ ԼԳԲՏՔ+ համայնքը հաճախ է թիրախավորվում Թուրքիայի նախագահ Ռեջեփ Թայիփ Էրդողանի և իշխող «Արդարություն և զարգացում» կուսակցության կողմից։ Թուրքիայի կառավարությունը նրանց մեղադրում է Թուրքիայում ծնելիության մակարդակի նվազման մեջ։
Հետևեք մեզ տելեգրամում
