Ապրիլի 14-ին Իսրայելը և Լիբանանը նախատեսում են ԱՄՆ միջնորդությամբ բանակցություններ անցկացնել Վաշինգտոնում։ Այս մասին հայտնել է AFP-ն՝ հղում անելով ԱՄՆ Պետդեպարտամենտի պաշտոնյային։
Ըստ լրատվամիջոցի՝ բանակցությունների հիմնական նպատակն է զինադադարի հաստատումը, տարածաշրջանային լարվածության նվազեցումը, ինչպես նաև «Հեզբոլլահ»-ի զինաթափման և սահմանային խնդիրների կարգավորումը։
Վաշինգտոնի և Թեհրանի միջև ձեռք բերված երկշաբաթյա հրադադարի ֆոնին իրավիճակը Լիբանանում ավելի էր սրվել։ Իսրայելի կողմից իրականացված ամենածանր հարվածների հետևանքով, ըստ նախնական տվյալների, միայն ապրիլի 8-ին զոհվել է շուրջ 300 մարդ: Իրանն ու Պակիստանը պնդում են, որ Լիբանանը ևս հրադադարի մաս է կազմել, սակայն ԱՄՆ-ն ու Իսրայելը հերքում են դա և փորձում Լիբանանի իշխանությունների հետ առանձին գործընթաց սկսել: Իսրայելի վարչապետ Բենյամին Նեթանյահուն հայտարարել է, որ նա կառավարությանը հանձնարարել է Լիբանանի հետ ուղիղ բանակցություններում կենտրոնանալ «Հեզբոլլահ»-ի զինաթափման հարցի վրա։ Կառույցից պնդում են՝ որևէ ուժ չի կարող զինաթափել «Հեզբոլլահ»-ին:
Հետևեք մեզ տելեգրամում
