Ապրիլի 15-ին Թուրքիայի արևելյան հատվածում գտնվող Քահրամանմարաշ (պատմ. Մարաշ) քաղաքում գտնվող միջնակարգ դպրոցում կրակոցներ են լսվել: Դեպքի վայր են ուղարկվել մեծ թվով ոստիկանական ուժեր և շտապօգնության բրիգադներ:
Ermenihaber.am-ի փոխանցմամբ՝ այս պահին զոհերի և կամ վիրավորների մասին հստակ տեղեկատվություն չկա, սակայն դեպքի վայրից իրականացված օպերատիվ նկարահանումների ուսումնասիրմամբ պարզ է դառնում, որ առնվազն վիրավոր երեխաներ կան, իսկ ականատեսներից մեկի խոսքով կա 15-16 վիրավոր:
Թուրքական «Sabah» թերթի տվյալներով՝ կա 4 զոհ, 20 վիրավոր (թարմացված 15:50-ին):
Հիշեցնենք, որ ընթացիկ շաբաթվա մեջ սա 2-րդ նմանատիպ միջադեպն է Թուրքիայում. ապրիլի 14-ին զինված հարձակում էր եղել հարավարևելյան հատվածում գտնվող Շանլըուրֆա նահանգի Սիվերեք քաղաքում, որի պարագայում վիրավորվել էր 16 մարդ, իսկ հարձակում կատարած անձն ինքասպան էր եղել:
Հետևեք մեզ տելեգրամում
