ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանը ներկայումս չի մասնակցում ԱՄՆ-ի և Իրանի միջև ընթացող բանակցություններին, սակայն պատրաստ է աջակցել խաղաղ կարգավորման հասնելու գործընթացին։ Այս մասին հայտնել է «ՌԻԱ Նովոստի»-ն։
«Ներկա պահին Ռուսաստանի Դաշնությունը բանակցային գործընթացում միջնորդ չէ։ Մենք, ինչպես բազմիցս հայտարարվել է տարբեր մակարդակներում, պատրաստ ենք ցուցաբերել ցանկացած աջակցություն՝ խաղաղ կարգավորման հասնելու և համապատասխան համաձայնագրի ձեռքբերման համար»,- ասել է Պեսկովը լրագրողների հետ զրույցում։
Հիշեցնենք, որ ապրիլի 8-ին Վաշինգտոնն ու Թեհրանը հայտարարել են երկշաբաթյա հրադադարի մասին, սակայն դրանից հետո Իսլամաբադում անցկացված բանակցությունները ավարտվել են առանց արդյունքի: Չնայած բանակցությունների վերսկսման համար միջնորդական ջանքերի առկայությանը՝ ԱՄՆ-ն ապրիլի 13-ից Իրանի նավահանգիստների շրջափակում է սկսել, ինչը Թեհանը մեկնաբանում է որպես հրադադարի խախտում:
Հետևեք մեզ տելեգրամում
