ՀՀ Նիկոլ Փաշինյանը հայտարարել է, որ 2026 թվականին նախատեսվում է սկսել TRIPP ներդրումային նախագծի գործնական իրականացումը։ «Արմենպրես»-ի փոխանցմամբ՝ նա այդ մասին նշել է՝ ներկայացնելով «Քաղաքացիական պայմանագիր» կուսակցության նախընտրական ծրագիրը։
«Համոզված եմ, որ մենք արդեն 2026 թվականին գետնի վրա կսկսենք աշխատանքները։ Իմ հաշվարկով՝ ամենաարագը կլինի էլեկտրահաղորդման գծերը շահագործման հանձնելը»,- ասել է Փաշինյանը։ Վարչապետը նաև ընդգծել է, որ նախագիծը կնպաստի աշխատատեղերի ստեղծմանը․ «Այս նախագիծը բազմաթիվ աշխատատեղեր է ստեղծելու, և ես հույս ունեմ, որ մենք կապահովենք աշխատատեղերը Հայաստանի քաղաքացիների միջոցով, և ընկերությունները ստիպված չեն լինի այլ երկրներից աշխատուժ ներգրավել»։
Նա հավելել է, որ Գյումրի-Թուրքիայի սահման և Երասխ-Նախիջևանի սահման երկաթուղային հատվածների վերակառուցումը հնարավոր է իրականացնել կարճ ժամկետում։
TRIPP նախագիծը ներառված է իշխող կուսակցության նախընտրական ծրագրի «Տնտեսական զարգացում» բաժնում և ենթադրում է երկաթուղային ու էներգետիկ ենթակառուցվածքների զարգացում։ Ծրագրում կարևոր տեղ է հատկացվում նաև տարածաշրջանային տրանսպորտային կապերի ապաշրջափակմանը։ Նշվում է, որ նախագծի իրականացումը կարող է նպաստել տարածաշրջանում խաղաղության և համագործակցության ամրապնդմանը՝ ձևավորելով արևելք-արևմուտք և հյուսիս-հարավ փոխկապակցվածության կարևոր հանգույց։
Հետևեք մեզ տելեգրամում
