Նավթի գինը հատել է 126 դոլարի սահմանը

ԱՄՆ-Իրան հակամարտության սրման ֆոնին նավթի համաշխարհային շուկաներում գրանցվել է գների կտրուկ թռիչք, ինչի արդյունքում Brent տեսակի նավթի մեկ բարելի արժեքը հինգշաբթի առավոտյան կարճ ժամանակով գերազանցել է 126 դոլարը՝ սահմանելով պատերազմի մեկնարկից ի վեր ամենաբարձր ցուցանիշը։

Գների այս աճը ուղղակիորեն կապված է դիվանագիտական բանակցությունների տապալման և ռազմական գործողությունների հնարավոր վերսկսման հետ, քանի որ Հորմուզի նեղուցի վերաբացման հարցում կողմերը չեն հասել համաձայնության։

Լարվածությունն էլ ավելի է մեծացել այն տեղեկությունների ֆոնին, որ ԱՄՆ նախագահ Դոնալդ Թրամփը պատրաստվում է հանդիպել Կենտրոնական հրամանատարության ղեկավարի հետ՝ քննարկելու Իրանի դեմ ռազմական նոր տարբերակները, այդ թվում՝ պատմության մեջ առաջին անգամ հիպերձայնային հրթիռների հնարավոր տեղակայումը Մերձավոր Արևելքում։Այս մասին հայտնում է «Euronews»-ը։