Բաքվի վերաքննիչ դատարանում այսօր մեկնարկել է 15 հայ գերիների պաշտպանական բողոքների քննությունը։ Այս մասին հայտնում են ադրբեջանական լրատվամիջոցները։
Նշվում է, որ Ռուբեն Վարդանյանը, ում գործը քննվել է առանձին վարույթով, հրաժարվել է բողոքարկել դատական ակտը։ Նրա փաստաբան Սիրանույշ Սահակյանի փոխանցմամբ՝ Վարդանյանը չի ցանկանում ներգրավվել գործընթացում՝ այն համարելով ֆարս։ Փաստաբանները նախատեսում են դիմել Մարդու իրավունքների եվրոպական դատարան՝ հայ գերիների իրավունքների խախտումների վերաբերյալ։ Նրանց խոսքով՝ դրա համար անհրաժեշտ է, որ Բաքուն տրամադրի դատավճիռների ամբողջական տեքստերը։
Ավելի վաղ՝ փետրվարին, Բաքվի զինվորական դատարանը 16 հայ գերիների դատապարտել էր ցմահ կամ երկարատև ազատազրկման՝ նրանց վերագրելով մի շարք կեղծ մեղադրանքներ, այդ թվում՝ խաղաղության և մարդկության դեմ հանցագործությունների, պատերազմական հանցագործությունների, ահաբեկչության և իշխանության բռնի զավթման մեջ։
Հետևեք մեզ տելեգրամում
