Եվրահանձնաժողովը առաջարկում է անուն առ անուն սև ցուցակում ներառել Ուկրաինայի դեմ պատերազմին մասնակցած բոլոր անձանց՝ արգելելու նրանց մուտքը Եվրամիության տարածք։ Այս մասին հայտարարել է ԵՄ դիվանագիտական ծառայության ղեկավար Կայա Կալասը՝ Լյուքսեմբուրգում ԵՄ արտաքին գործերի նախարարների հանդիպումից առաջ։
Կալասի խոսքով՝ ԵՄ-ն ունի հետախուզական տվյալներ այն անձանց վերաբերյալ, ովքեր մասնակցել են ռազմական գործողություններին, և անհրաժեշտ է նրանց բոլորին ներառել պատժամիջոցների ցուցակում։
«Մենք, իհարկե, ունենք հետախուզական տվյալներ այն անձանց մասին, ովքեր մասնակցել են պատերազմին, և պարզապես պետք է նրանց բոլորին ներառել սև ցուցակում, որպեսզի նրանք չկարողանան մուտք գործել Եվրամիություն», – նշել է Կալասը՝ հավելելով, որ մասնագետների գնահատմամբ նման մեխանիզմը տեխնիկապես հնարավոր է իրականացնել։
Հետևեք մեզ տելեգրամում
