Մեծ Բրիտանիան, Գերմանիան, Իտալիան և Ֆրանսիան ողջունել են Իրանի և Միացյալ Նահանգների միջև ձեռք բերված համաձայնությունը և պատրաստակամություն հայտնել չեղարկել Թեհրանի դեմ սահմանված պատժամիջոցները, եթե վերջինս թափանցիկ կերպով իրականացնի իր միջուկային գործունեությունը։ Փոխանցում է «ՏԱՍՍ»-ը:
«Քառյակ խմբի» երկրների ղեկավարները համատեղ հայտարարությամբ ընդգծել են, որ Վաշինգտոն-Թեհրան համաձայնությունը կարող է կարևոր քայլ լինել տարածաշրջանային լարվածության նվազեցման համար։ Նրանք նշել են նաև, որ պատրաստ են համագործակցել ԱՄՆ-ի, Իրանի և ՄԱԳԱՏԷ-ի հետ՝ կանխելու Թեհրանի կողմից միջուկային զենքի հնարավոր ձեռքբերումը։
Ավելի վաղ ԱՄՆ-ն, Իրանը և միջնորդ Պակիստանը հաստատել էին պատերազմի դադարեցման վերաբերյալ հուշագրի տեքստի համաձայնեցումը: Այն կստորագրվի հունիսի 19-ին, Ժնևում։
Հետևեք մեզ տելեգրամում
