Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը հայտարարել է, որ Լյուքսեմբուրգում ԵՄ արտգործնախարարների հանդիպման շրջանակում հատուկ քննարկում է նախատեսված Հայաստանի վերաբերյալ՝ ՀՀ արտգործնախարարի մասնակցությամբ։
«Հայաստանում վերջերս անցկացվել են ընտրություններ, և մենք տեսանք Ռուսաստանի կողմից ճնշումների ուժեղացում։ Երկրի ընտրած ուղղությունը փոխվել է, և հենց այդ պատճառով անհրաժեշտ է օգնել Հայաստանին պահպանել իր դիմադրողականությունը։ Այսօր նախարարի հետ կքննարկենք, թե էլ ինչ կարող ենք անել այդ ճանապարհին աջակցելու համար», – նշել է Կալասը։
Հիշեցնենք, որ վերջին ամիսներին Ռուսաստանը սահմանափակել կամ արգելել է Հայաստանից մի շարք ապրանքների, այդ թվում՝ բանջարեղենի, կորիզավոր մրգերի, ձկան, «Ջերմուկ» հանքային ջրերի ներմուծումը։
Հետևեք մեզ տելեգրամում
