Իրանի խորհրդարանի նախագահ Մոհամմադ Բաղեր Ղալիբաֆը մեկնել է Բաքու՝ մասնակցելու Իսլամական համագործակցության կազմակերպության անդամ երկրների խորհրդարանական միության 20-րդ նիստին։ Այս մասին հայտնում է իրանական Tasnim լրատվական գործակալությունը:
Ղալիբաֆն ընդգծել է, որ նիստը լավ հնարավորություն է գործընկեր երկրներին հետպատերազմյան զարգացումները ներկայացնելու համար։ «Ռամադանի պատերազմից հետո պարզ դարձավ, որ օտարերկրյա ուժերը, որոնք այստեղ են եկել հազարավոր կիլոմետրեր հեռվից, չեն կարող անվտանգություն ապահովել, և հենց իրենք են հանդիսանում անվտանգության դեմ ուղղված գործոններ։ Պետք է տարածաշրջանում օգտագործենք այս նոր մոտեցումը»,-նշել է նա։
Իրանցի պաշտոնյան նաև նշել է, որ այցի ընթացքում Ադրբեջանի հետ համագործակցության հարցեր կքննարկվեն:
Հետևեք մեզ տելեգրամում
