Ադրբեջանը Հայաստան է ուղարկել նավթամթերքի հերթական խմբաքանակը

Ադրբեջանական ԶԼՄ-ները հայտնում են, որ հունիսի 26-ին 18 երկաթուղային վագոնով Ադրբեջանից Հայաստան է տեղափոխվել 971 տոննա ԱԻ-92 մակնիշի բենզին, ինչպես նաև 8 վագոնով՝ 467 տոննա դիզելային վառելիք։

Ընդհանուր առմամբ, մատակարարումների մեկնարկից ի վեր Ադրբեջանը Հայաստան է արտահանել ավելի քան 14.000 տոննա դիզելային վառելիք և ավելի քան 4.000 տոննա ԱԻ-92 և ԱԻ-95 մակնիշների բենզին։

Բացի ուղղակի մատակարարումներից՝ Ադրբեջանի տարածքով Ռուսաստանից Հայաստան իրականացվել է նաև տարանցիկ բեռնափոխադրումների զգալի ծավալ․ մասնավորապես՝ տեղափոխվել է ավելի քան 34.000 տոննա հացահատիկ, մոտ 8.000 տոննա պարարտանյութ, ինչպես նաև ալյումին, հնդկաձավար և անտրացիտ։