Ռուսաստանի պաշտպանության նախարարությունը հայտնել է, որ գիշերվա ընթացքում հակաօդային պաշտպանության (ՀՕՊ) համակարգերը Ռուսաստանի տարբեր շրջանների, ինչպես նաև Սև և Ազովյան ծովերի տարածքում որսացել և խոցել են ուկրաինական 660 անօդաչու թռչող սարք (ԱԹՍ)։
Ռուսական լրատվամիջոցների փոխանցմամբ՝ խոցված ԱԹՍ-ները հայտնաբերվել են Բելգորոդի, Բրյանսկի, Կուրսկի, Օրյոլի, Կալուգայի, Լիպեցկի, Ռոստովի, Վորոնեժի, Տուլայի, Ռյազանի և Աստրախանի մարզերի, Մոսկվայի մարզի, ինչպես նաև Ղրիմի, Սև և Ազովյան ծովերի օդային տարածքներում։
Նախարարության տվյալներով՝ ուկրաինական անօդաչու սարքերի հարձակումները շարունակվել են նաև առավոտյան ժամերին։ Մասնավորապես, ժամը 07:00-ից 09:00-ն ընկած ժամանակահատվածում ՀՕՊ համակարգերը խոցել են ևս 46 ԱԹՍ։
Ռուսական կողմը միջադեպերի հետևանքով հնարավոր վնասների կամ զոհերի մասին տեղեկություններ դեռևս չի հրապարակել։
Հետևեք մեզ տելեգրամում
