Հայաստանում Իրանի դեսպան Խալիլ Շիրղոլամին մամուլի ասուլիսի ընթացքում անդրադարձել է «Միջազգային խաղաղության և բարգավաճման Թրամփի ուղի» (TRIPP) նախագծին: Նա նշել է, որ ՀՀ կառավարությունը հավաստիացրել է, որ TRIPP-ի իրականացման հետևանքով Իրանի համար որևէ մարտահրավեր կամ սպառնալիք չի ստեղծվի։
Ըստ դեսպանի՝ հայ-իրանական հարաբերությունների օրակարգում առաջնահերթ պետք է լինեն այդ նախագծից բխող ռիսկերի կառավարումն ու հնարավոր մարտահրավերների կանխումը։
Շիրղոլամին նաև նշել է, որ Իրանի և ԱՄՆ-ի միջև հուշագրի ստորագրումից անցել է ընդամենը 20 օր, սակայն այդ ընթացքում արդեն արձանագրվել են խախտումներ։ «Ուստի, իր սահմանների հարևանությամբ ամերիկացիների ներկայության վերաբերյալ Իրանի շատ լեգիտիմ և տրամաբանական անհանգստությունը պետք է հստակ արձագանք ստանա ու պատասխան տրվի այդ անհանգստություններին»,- ընդգծել է Շիրղոլամին։
Հետևեք մեզ տելեգրամում
