Ադրբեջանում կորոնավիրուսի տարածման դեմ պայքարի շրջանակներում շաբաթ և կիրակի օրերի համար խիստ սահմանափակումներ են մտվել։
Այս մասին հայտարարել է երկրի վարչապետ Ալի Ասադովը։ Վերջինի հրամանով սահմանափակումները գործելու են մայրաքաղաք Բաքվում, ինչպես նաև Սումգայիթում, Գյանջայում, Լենքորանում ու Ապշերոնի շրջանում։ Համաձայն դրանց՝ նշյալ շրջաններում հունիսի 6-ին 0 ժամից սկսած մինչև հունիսի 8–ի 0 ժամը հայտարարվում է փողոց դուրս գալու արգելք։ Այդ ընթացքում դադարեցվելու են գրեթե բոլոր աշխատանքները, ծառայությունների մատուցումը, առևտրային գործունեությունը։
Բացառություններ են լինելու հիվանդանոցների ու շտապօգնության ծառայությունների, սոցապահովության ծառայությունների աշխատանքները, ինչպես նաև հատուկ կարիքավորներին ցուցաբերվող օգնությունը։ Բացառությունների թվում են նաև կոմունալ ծառայությունների, հեռահաղորդակցության ոլորտի բեռնափոխադրումների, նավթի արդյունահանման ու վաճառքի ոլորտի աշխատանքների կազմակերպումը։
Կյանքին կամ առողջությանը վտանգ սպառնալու կամ հարազատի հուղարկավորությանը մասնակցելու համար էլ ներքին գործերի նախարարությունից անհրաժեշտ կլինի հատուկ թույլտվություն ստանալ։ Կանոնները խախտողներին սպառնում է վարչական և քրեական պատասխանատվություն։ Նախատեսվում է, որ նմանատիպ սահմանափակումներ կմտցվեն նաև առաջիակ 2 շաբաթների վերջում։
Հետևեք մեզ տելեգրամում
