ՌԴ Խաղաղօվկիանոսյան նավատորմի մամուլի ծառայությունը հայտնել է, որ ՌԴ-Չինաստան «Ծովային փոխգործակցություն-2026» համատեղ զորավարժության ավարտից հետո երկու երկրների ռազմանավերը դուրս են եկել Դեղին ծով՝ Ասիա-խաղաղօվկիանոսյան տարածաշրջանում համատեղ պարեկություն իրականացնելու համար։ Փոխանցում է «Ինտերֆաքսը»:
Ըստ լրատվամիջոցի՝ զորավարժության փակման պաշտոնական արարողությունից հետո ձևավորված ռուս-չինական միացյալ ջոկատն արդեն սկսել է իր առաքելությունը։
Նշենք, որ հուլիսի 6-13-ն անցկացված վարժանքների ընթացքում կողմերը Դեղին ծովում խաղարկել են անօդաչու թռչող սարքերի հարձակումների հետմղման սցենարներ, ինչպես նաև մշակել են հակասուզանավային պաշտպանության, հակառակորդի վերջրյա նավերի դեմ պայքարի և փրկարարական գործողություններ։
Ասիա-խաղաղօվկիանոսյան տարածաշրջանում Ռուսաստանի և Չինաստանի վերջրյա նավերի առաջին համատեղ պարեկությունն անցկացվել է 2021 թվականին և այդ ժամանակից ի վեր դարձել է ամենամյա: 2025 թվականից սկսած՝ համատեղ հերթապահությանը առաջին անգամ ներգրավվել են նաև երկու երկրների ռազմածովային ուժերի սուզանավերը։
Հետևեք մեզ տելեգրամում
