Բրիտանիայի արքայադուստր Մարգարեթի թոռը՝ Սեմ Չատոն, ամուսնության առաջարկ է արել հայազգի Էլեոնոր Էքսերջյանին:Չատոն այդ լուրը հայտնել է Ինստագրամի իր էջում: Փոխանցում է TATLER-ը:
«Ինձ համար մեծ ուրախություն է հայտնելը, որ Էլլին և ես նշանվել ենք։ Առավել երջանիկ չենք կարող լինել։ Ես առաջարկությունն արեցի իմ պատրաստած ճենապակյա մատանով»,- գրել է Սեմը:
Նշենք, որ 2022 թվականին զույգն այցելել էր Հայաստան։ Սեմ Չատտոն, որը խեցեգործ նկարիչ է, Էլեանոր Էքսերջյանի հետ միասին իրենց հեղինակած «Երևակայական բնապատկերներ» (Imagined Landscapes) նախագծի շրջանակում շուրջ մեկ ամիս շրջել են Հայաստանի տարածքով, ծանոթացել հայկական պատմամշակութային ժառանգությանը և բացառիկ ճարտարապետական կոթողներին։
Լինելով աբստրակտ նկարչուհի՝ Էլեոնորայի աշխատանքների մեծ մասը ոգեշնչված է հայկական սփյուռքով և պահվում է բազմաթիվ մասնավոր հավաքածուներում, այդ թվում՝ Լոնդոնի Redfern պատկերասրահում։
Էլեանոր Էքսերջյանի հայրը հայտնի արվեստաբան, պրոֆեսոր Դեյվիդ Էքսերջյանն է: Նա զբաղեցնում է Լեսթերի համալսարանի արվեստի և կինոյի պատմության պատվավոր պրոֆեսորի պաշտոնը։ Նրա կինը «Financial Times-ի արվեստի քննադատ Սյուզան Մուրն է։
Հետևեք մեզ տելեգրամում
